ጎነጽ ደቂተባዕትዩ ኣብ ልዕሊ ደቂኣንስትዮ ኣብ ኩሉ ደረጃ ሕበረተሰብ ኢዩ ዝፍጸም፡፡ እቶም ደቂተባዕትዮ  ፈጸምቲ ጎነጽ ዝተፋላለይ ድሕረባይታን ደረጃ ትምሕርቲን ሞያን ዘለወም ኢዩም፡፡

ዝተፋላለየ ዓይነት ጎነጽ:

·      ኣካላዊ ጎነጽ - ማህረምቲ፡ ምድፍፋእ፡ ጾጉሪ ምስሓብ፡ ምቕላዕ፡ ጨቢጥካ ምሓዝን ምሕናቕን፡፡ ከምኡ ውን ምቅንጣው፡ ምንካስ፡ ማህረምቲ ብዝኾነ መሳርያ፡ ትንፋስ ምኽላእ፡ ርእሲ ምጥላቅ ወይ ብኻራ ምጉዳእ ክኽውን ይኽእል፡፡

·      ቅሳነት ምኽላእ- መደባትክን ተለፎንክን ዝውቱር ልሙድ ይኸውን፡ ክምኡ ውን ምቁጽጻርን ሪኢቶን ኣብ ኣካዳድናኽን ምስልኽን ይዝውተር፡፡ ደቕኺ ክወስዶም ኢሉ የፋራራሓኪ፡ ኣብ ከባቢኺ ዘለዉ ሰብ ክሃስዮም፡ ንዓኺ ክቕትለኪ ውይ ንኻለኦት እንዳ ብልካ ምፍርራህ፡፡

·      ናይ ስጋዊ ርኽብ ጎነጽ – እዚ ብዛዕባ ቅሳነት ምኽላእ፡ ውርደት፡ ንቆልዓ ኣታሊልካ በደል ምፍጻም  ወይ ዓመጽ የጣቓልል. ከምኡ ውን ብዘይ ድልየትካ ናይ ስጋዊ ርክብ ንጥፈት ምፍጻም ወይ ኣብ ፖርኖግራፊ ፊልም ምቕራጽ የጣቓልል፡፡

·      ቁጠባዊ ጎነጽ – ማለት ንብረትክን ቊጦባኺን ባዕልኪ ክትቛጻጸሪ ዘይፍቀደኪ ወይ ዝኾነ ሓበሬታ ብዛዕባ ናይ ሓባር ቁጦባኹም ኣይትዋሃብን፡፡ ቁሩብ ገንዘብ ትዋሃቢ ግን ዝገበርክዩ ዕድጊ ጸብጻብ ከተቕርቢ ይግድደኪ፡፡ ብ ሽምኪ ተለቂሑ ኣብ ዕዳ ከእትወኪ ይኽእል፡

·      ንብረታዊ ጎነጽ – እዚ ብዛዕባ ንብረትኪ፡ ናውቲ ገዛኺ፡ ተለፎን ወይ ካልእ ትፈትውዮ ነገር ከባላሽወልኪ ከሎ ማለት ኢዩ፡፡